تیڈی یاری دا مل اسی تار نئیں سکدے
توں منگیں جان تے کر انکار نئیں سکدے
منیا کہ زندگی لیندی اے امتحان بڑے پر
توں ھوویں نال تے اس ہار نئیں سکدے
کل بوچھنڑ سیندیں سوئی لگ پئی،
ھتھ زخمی تھئے، میکوں توں یاد آئیں.
نئیں پورےتھئے ٹک بوچھنڑ دے،
ترٹ دھاگہ پیۓ میکوں توں یاد آیئں.
بیوقت میڈےکل کوٹھےتے,
آ کاں کر لائے میکوں توں یاد آئیں,
کراں سیپ سلائی میں کیا "شاکر"
بھانویں جیں الوائے, میکوں توں یاد آئیں.....
میںکوں یاد نہ توں ہنڑ کیتا کر
میں یار نی واپس آ سگدا
نہ ہتھ چا دعا میڈی لو
ہنڑ ڈھیر نہ ساہ میں گن سگدا
بس دھاگہ ساہ دا ترٹ پوے
نہ ڈھیر میں ساہ ہنڑ گھن سگدا
نہ گاہلی سنڑ توں لوکیں دیاں
نہیں سوکڑی ہنڑ ڈھیر میں جی سگدا
کل بوچھنڑ سیندیں سوئی لگ پئی،
ھتھ زخمی تھئے، میکوں توں یاد آئیں.
نئیں پورےتھئے ٹک بوچھنڑ دے،
ترٹ دھاگہ پیۓ میکوں توں یاد آیئں.
بیوقت میڈےکل کوٹھےتے,
آ کاں کر لائے میکوں توں یاد آئیں,
کراں سیپ سلائی میں کیا "شاکر"
بھانویں جیں الوائے, میکوں توں یاد آئیں....
تیکوں کئیں آکھیے تیکوں بھل گئے ہیں
دلدار بھلاونڑ سوکھا نئیں
تیڈی جھنڑک بھلاونڑ سوکھی ہے
تیڈا پیار بھلاونڑ سوکھا نئیں
تیڈی کھل دے عاشق لوکیں دی
مسکار بھلاونڑ سوکھا نئیں
اساں شاکر آپ کوں بھل ویسوں
پر یار بھلاونڑ سوکھا نئی.
No comments:
Post a Comment