میں بے وارث ھاں تاہیں چھوڑ دتم اے اعلان شریکاں اچ تئیں کیتا

میں من لیناں بے وارث ھاں پر سوچ بے وارث کیں کیتا

میرے کول ثبوت ہزاراں ہن تینوں آکھنڑاں پوسی میں کیتا

شالا وارثاں نال آباد راھوے بے وارث *ریاض * نوں جئیں کیتا



تئیں سنڑیا ہوسی مینوں عشق آہدین تے میں مالک اچیاں شاناں دا.
کئی مار صحراء کئی لوہڑ دریا میں قاتل کئی کئی جاناں دا.
جس دل تے تھی اثیر ونجاں وت فرق غریب نا خاناں دا.
مشتاق میں واسی دل دا ہاں تے شیوہ ہاں سلطاناں دا.



#حسن
تو شیوہ ہوسیں سلطاناں دا پر مینو وی حسن جمال آہدین.
توں قاتل ہیں کئی جاناں دا مینو سراپا نور کمال آہدین.
تے میں ازل توں وارث خوشیاں دا تینوں درداں دا بھیوال اہدین.
مشتاق توں طالب حسن دا ہیں تینوں مطلب دا ہک جال اہدین.


#عشق
میں بے شک طالب حسن دا ہاں پر لازمی شرط ایمان دی ہاں.
ہاں کل کائنات دا پس منظر تفسیر میں پاک قران دی ہاں.
توں چہرہ پاک نبی دا ہیں میں وی تڑپ بلال دی جان دی ہاں.
مشتاق توں دھوکا نظراں دا میں سنت رب رحمان دی ہاں.

#حسن
توں سنت رب رحمان دی ہیں میں وی وارث نبیاں دی زات دا ہاں.
میں یوسف دی پہچان وی ہاں تے نور میں کل کائنات دا ہیں.
میں جنت دا شاہکار وی ہاں تے مالک نیک صفات دا ہاں.
مشتاق میں صفت حوراں دی تے محور رب دے برکات دا ہاں.

#عشق
تو یوسف دی پہچان ہوسیں پر میں وی ایمان خلیل دا ہاں.
ہے گلشن اگ نمبرود میڈی, میں خاصہ رب جلیل دا ہاں.
چھری پسر تے گلھ تے رکھ ڈیہنداں, میں حامل مظبوط دلیل دا ہاں.
مشتاق میں کم لجپالاں دا تے خاصہ اصل اصیل دا ہاں.

#حسن
تئیں بے شک پسر کہائے ہوسن پر زلیخا توں میڈا حال توں پچھ.
کہیں انگلیاں یار کٹائیاں ہن, ونج مصر دے ہک ہک بال توں پچھ.
کیویں طور پہاڑ تھی سرمہ گئے, ونج موسی دے احوال توں پچھ.
کیوں چوریاں مشتاق کھویندی ہائی ونج جھنگ دی ہیر سیال توں پچھ.

#عشق
میں عشق وفا دا پابند ہاں تے قائل ہاں لجپالی دا.
کدی عرش تے گھن محبوب وینداں ہاں عاشق کمبلی کالی دا.
کدی سورج نوں میں روک لیندا, ہاں جوہر آزان بلالی دا.
مشتاق میں خاص قسم رب دی, تے اثیر ہاں زلف مثالی دا.

#حسن
تو عشق وفا دا پابند ہیں میں حسن تاں یار آزاد ہاں.
تینوں ازل توں غم تے تلخیاں لکھیاں میں ناز دے نال آباد ہاں.
تو محور ہیں ارماناں دا میں اپڑیں آپ مراد ہاں.
مشتاق توں پیاسا حسن دا ہیں میں حسن تاں بلکل شاد ہاں.

#عشق
میں عشق ازلی تے ابدی ہاں تو رونق چار ڈیواراں دی.
تیڈی چار ڈیہاں دی چاندنی ہے میڈی زات ہے وانگ ستاراں دی.
توں مانڑ نہ کر ایں گلشن تے ہوی عارضی رونق بہاراں دی.
مشتاق میں دل دا واسی ہاں توں حسرت ہجر دے ماراں دی.

#حسن
تو عشق الہام خدا دا ہیں میں وی نعمت پاک رحمان دی ہاں.
توں عشق مرض بہوں مہلک ہیں میں وی خاص دوا لقمان دی ہاں.
تو عشق امام سسی دا ہیں , میں وی ناز ادا مکران دی ہاں.
بس عشق آباد راہوے مشتاق, میں تاں آرضی لزت جہان دی ہاں.

نجمی