اک بندا سجنڑاں توں نکھڑیا ھویا دکھاں دا ماریا ھویا اک دن مَنڑ دریا تے جا بیٹھا ویدا کی اے بہوں سارے پکھنڑو آپس اچ ہس کھیڈ رہے سی اُنہاں نوں ویکھ کے تے مَنڑ تے بہہ گیا کافی دیر ویندا رہیا تے رُوندا رہیا اخیری اُٹھ کے ٹور پیا دوسرے دن فیر آیا اسیے طرح ایں واقعہ ھویا تیسرے دن فیر آیا فیر رُوندا دُوھندا ٹور گیا اس دے ٹورن توں پکھنڑو آپس اچ صلاح کردے۔ نے یار اس بندے کولوں پُچھیےتے سہی روز آندا اے تے سَن ویکھ کے رُوندا کیوں ایں اگلے دن ھون او بندا آیا تے پکھنڑو سارے اس دے کول آ کے آہدے نے اے اللّٰہ دیائے بندیاں توں روز آندا اے سَن ویکھ رُوندا کیوں ایں اس گل دا جواب تاں دے تاں فیر سُنڑو

تُہانوں ہسدیاں ویکھ کے قسم خدا دی یاد آندی اے نکھڑ گیئاں دی
تنہائیاں دے اِس پنچرے وچ سِک کھاندی اے نکھڑ گیئاں دی
تائی ہسڑ کے مَنڑ تے آ باہنداں چھِک راہندی اے نکھڑ گیئاں دی
اِیڈے فخری بھار جدائیاں دے جند ساہندی اے نکھڑ گیئاں دی


دساں کے کے دُکھ تہانوں سجنڑاں دے اکھیں میریاں کیوں لُڑھ پُوندیئن
کر یاد اُو ماضی سنگتاں دے تنہایاں تَن۔ نوں کُوندیئن
کِیویں پُھٹ گئے بِیلی فخری دے اہیا سوچاں ذہن تے بُھوندیئن
چھڑا میں نہی رُوندا قسم خدا دی میرے تَن دِیاں لِیراں رُوندیئن




لَج پَلدی اے کڈنڑ بخیلاں توں راھندی فِکر جِناں نوں زر دی
نیں بَچت سُوچیندی سَنگتاں وِچ لگے بازی بے شَک سَر دی
سَچ حوصلا ھونداے سچیاں دا کوئ وُقت نیں ھوندی ڈر دی
گَل گَٹنڑ دا شوق اکرام ھووے نیں فِکر کرِیندی گھر دی



اے گل اس بندے دی سنڑ کے پکھنڑو سوچی پئے گئے تے اہدے نے اُس توں تیرا کیویں سنگ نکھڑیا اے تے کیویں وچھوڑا پیا اے سن ویں دس سگدا اے اگوں او بندا کی اہدا توجہ

دل تنگ اے جگ دیــــــاں ٹوکاں تـــــــوں میرے وسنڑ دے رب امکان بنڑا 💙

عربی دے قـُــــرب نصیب ہونی ہمدرد کـــــــــوئی انسان ملا
جیہڑا درد ونـــــڈے اللّه راسیاں دے کـــــــوئی اے جیا مہربان ملا
یـــــــــاسین "" دی مُکنڑ تے آ گئی اے میرا مـــــــالک کـــــــــوئی لقمان ملا


نیموں ڈردا ھجر دے درداں تــــــــوں کسے موڑ تے طلب شفاء نئیں
راھوے چن محفوظ رقیباں تــــــــوں کائی منگنڑی ھور دعا نئیں
تـــــــوں تاں ہر دا مـــــــــــالک ساجھا ایں کیا میں مخلوق خدا نئیں
یـــــــــاسین "" عجب انصاف ڈٹھائے کئیں سال اچ عید روا نئیں